الاب الروحى لمحمد منير

حد فيكم فاكر اغنيه الدنيا برد و عم خليل بيسقى الورد
حد فاكر اغنيه ام العيال العشريه
حد فاكر اغنيه الحب ليه صاحب

لو انتا مسمعتش الاغانى دى يبقى معرفتش احمد منيب

احمد منيب للى ميعرفهوش يعتبر الاب الروحى لمحمد منير و معظم اغانى احمد منيب اتغنى بيها محمد منير
و مش محمد منير بس غنى ليه علاء عبد الخالق اغنيه الحب ليه صاحب
و غنى ليه محمد فؤاد اغنيه صدقنى يا صاحبى
و غنى ليه حميد الشاعرى يا وعدى على الايام
و لحن لمعظم جيل محمد منير فلحن لصادق قلينى و لمصطفى السقا
و علاء عبد الخالق و محمد فؤاد و غيرهم
بس اللى اخد الحظ الاوفر معاه محمد منير و تقريبا كل شريط بيفاجنا منير بأغنيه او لحن لاحمد منيب
و من الاغانى المميزه لاحمد منيب و غناها منير
* أم الضفاير
* اتكلمي
* الرزق على الله
* الليلة يا سمرا
* شجر الليمون
* في دايرة الرحلة
* يا غربتي
* يا مراكبي

و على الرغم من ان احمد منيب مات من سنه 91 و لكن لسه الحانه و اغانيه باقيه فينا لغايه دلوقتى

و لمنيب البومات تتعد على الصوابع
6 البومات

راح اغنى
بلاد الدهب
قسمه و نصيب
كان و كان
مشتاقين
يا عشره
و فيه ناس بتقول فيه البوم اسمه حدوته مصريه بس انا عندى اغنيه فرديه

و من الشعراء اللى اتعامل معاهم
محى الدين شريف
مجدى نجيب
عبد الرحمن ابو سنه
عبد الرحيم منصور ( المكتشف الثانى لمحمد منير )
جمال بخيت
احمد فؤاد نجم
فؤاد حداد

و الطريف ان احمد منيب كتب اغنيه باللغه النوبيه اسمها بلاجا و موجوده فى شريط قسمه و نصيب

تعرف ايه عن اول شريط لمنير

طبعا انا معاصرتش وقت لما نزل محمد منير بس اكيد كان فيه هجوم على طريقه الكلام الموسيقى كده يعنى كان الناس متعوده على ام كلثوم و عبد الحليم و فايزه احمد متعوده على الاغانى الطويله ممكن اللى شذ عن الاغانى دى فيروز لان اغلب اغانيها من مسرحياتها
المهم فأظن ان منير وقتها كان حاله شاذه الحان جديده كلام جديد بس الغريب انه بدأ مع عملاق من عمالقه الكلمه فى مصر عبد الرحيم منصور اللى كتب لنجاه و فايزه احمد و شاديه و اتعاون مع منير فى الشريط كله الا اغنيه واحده كانت لسيد حجاب مش عارف يا ترى كان فيه وسيط ما بينهم و تعامل محمد منير مع هانى شنوده ومكتشفه احمد منيب فى بعض الاغانى و كان التوزيع لفرقه هانى شنوده
و اثمر التعاون ده فى الشريط ب 10 اغانى اظن كلها عن الوطن و اكيد كان بيتكلم عن هجره الشباب فى الوقت ده لدول الخليج فى اغانى امانه يا بحر و قول للغريب
ووصفه الجميل لمصر فى اغنيه علمونى عنيكى
شريط بالنسبالى تحفه
صوت منير و هو صغير صوت شاب قوى و صوت خامته جديده على المستمعين فى الوقت ده
و تقريبا الشريط نزل سنه 1977

لما دورت عن معلومات عن الشريط لقيت ان الطبعات الاولى للشريط منلتش استحسان الناس عشان كانت حاجه غريبه على ودانهم كصوت و كلحن و ككلمات
بس بعد كده الطبعات اللى بعديها لقت استحسان عند الناس معلش طولت عليكم اسيبكم مع كلمات الاغانى
و عاوز رأى الناس فى الكلمات و فى الشريط ككل لو سمعته

و الشريط 9 اغانى كلمات عبد الرحيم منصور و هما اغنيه علمونى و دنيا رايحه و يا صبيه و امانه يا بحر و قول للغريب و فى عنيكى و يا عذاب النفس و يا اماه و الرزق على الله

و اغنيه واحده كلمات سيد حجاب ايه يا بلاد يا غريبه

اما الالحان ف 6 اغانى الحان احمد منيب و هى اغانى دنيا رايحه و يا صبيه و قول للغريب و فى عنيكى و يا اماه و الرزق على الله

و قام بتلحين 4 اغانى هانى شنوده و هى اغانى علمونى عنيكى و امانه يا بحر و يا عذاب نفسى و يا بلاد غريبه

من هو محمد منير

الاسم : محمد منير أبو يزيد جبريل متولي
تاريخ الميلاد : 10 أكتوبر 1954
الجنسيه : مصرى مواليد قرية الدر القديمة ــ النوبة، أسوان
المهنه : مطرب و ممثل مصرى
و لحن لنفسه اغنيه
الحاله الاجتماعيه : أعزب

أكثر من تغنى بكلماتهم : عبد الرحيم منصور - عبد الرحمن الابنودى _ احمد فؤاد نجم - كوثر مصطفى
ألقابه : الملك
صوت مصر و ابن النيل و حدوتة مصرية

ألبوماته

* علموني عنيكي 1977
* بنتولد 1980
* شبابيك 1981
* أتكلمي 1984
* بريء 1985
* الملك هو الملك 1989
* وسط الدايرة 1986
* مقدرش 1992
* شوكولاتة 1989
* يا إسكندرية 1990
* مشوار 1991
* الطول واللون والحرية 1992
* أفتح قلبك 1994
* ممكن 1995
* من أول لمسة1996
* المصير 1998
* حبيبتي 1998
* الفرحة 1999
* في عشق البنات 2000
* أنا قلبي مساكن شعبية 2001
* الأرض..السلام 2002
* أحمر شفايف 2003
* إمبارح كان عمري عشرين 2005
* دنيا 2006
* طعم البيوت 2008

بالاضافه الى بعض الاغانى الموجوده فى شرائط كوكتيلات

افلامه


* حدوتة مصرية 1982
* اليوم السادس 1986
* يوم حلو ويوم مر 1988
* حكايات الغريب 1992
* ليه يا هرم
* البحث عن توت عنخ آمون
* شباب على كف عفريت
* اشتباه
* المصير 1997
* دنيا 2006

مسلسلاته

* جمهورية زفتى 1999
* علي عليوة


مسرحياته

* الملك هو الملك
* ملك الشحاتين
* مساء الخير يا مصر